Bíll eða bifhjól?

Námskeið vegna akstursbanns

siggi — Mon, 14 Sep 2009 23:49:50 +0000

Næsta námskeið vegna akstursbanns hefst laugardaginn 11. september, 2010, kl. 13:00. Námskeiðið verður haldið að Skeifunni 11b, Rvk. Fjöldi þátttakenda takmarkast við sex að lágmarki og 12 að hámarki. Námskeiðsgjald er kr. 39.900,- Nauðsynlegt er að skrá sig með því að hafa samband við Sigurð, siggi@17.is eða í síma 822 4166. Nánari upplýsingar um námskeið vegna akstursbanns er að finna hér að ofan – smellið á stikuna “akstursbann”.

Segja frá á Facebook

Bóklegt bifhjólanámskeið 2010!

siggi — Wed, 02 Sep 2009 20:58:25 +0000

Bóklegt bifhjólanámskeið verður haldið dagana 1. og 2. september, 2010. Námskeiðið verður haldið í Álftamýrarskóla og hefst kl. 17:30 báða dagana. Nauðsynlegt er að hafa samband við Sigurð til að skrá sig á námskeiðið en fjöldi þátttakenda er takmarkaður á hverju námskeiði. Verð kr. 18.000,- og er þá kennslubókin innifalin í verðinu en án bókar er námskeiðsgjald kr. 16.000,-

ATH: Hér er um vandað námskeið að ræða og ánægja þátttakenda er okkar besta auglýsing! Kennarar á námskeiðinu eru hlaðnir af þekkingu og fróðleik og starfa eingöngu við ökukennslu. Námskeiðið er ætlað þeim sem hyggjast verða sér út um A eða M réttindi.

Til að skrá sig á námskeiðið eru þrjár leiðir:

Sendið tölvupóst á siggi@17.is

Hringið í síma 822 4166

Notið “hafa samband” flipann hér á síðunni – efst til hægri

Segja frá á Facebook

Ökuskóli 1 og 2

siggi — Sat, 08 Aug 2009 19:52:33 +0000

Ökukennsla 17.is býður upp á ökuskóla 1 og 2 í samvinnu við Ökukennslu Reykjavíkur. Ökuskóli 1 hefst mánudaginn 12. apríl, kl. 18:15. Ökuskóli 2 hefst þiðjudaginn 6. apríl, kl. 18:15. Ö1 og Ö2 lýkur kl. 22:00. Kennt er á Hverfisgötu 105, annarri hæð.

Segja frá á Facebook

Upphaf ökunáms

admin — Thu, 06 Aug 2009 09:01:50 +0000

Ökunám er mikilvægt því nemandi býr að því alla ævina.
Mikilvægt er að báðir aðilar, kennari og nemandi, gefi sér góðan tíma í ökunámsferlið.
Góður undirbúningur stuðlar að gæfuríkum ferli í umferðinni.

Ökunáminu má skipta niður í nokkur þrep:

Verklegt nám og bóklegt nám fyrir æfingaakstur
Æfingaakstur
Bóklegt nám fyrir próf
Verklegt nám fyrir próf

Smelltu á Lög og reglur þar sem þú finnur umferðarmerkin, umferðarlögin og helstu reglugerðir sem varða vegfarendur. Vakin er athygli á að verulegar breytingar hafa verið gerðar á umferðarlögunum, t.d. gilda bráðabirgðaökuskírteini nú í 3 ár, handhafi þess fer í akstursbann fái hann 4 punkta á tímabilinu og þarf þá að fara á námskeið og í fræðilega og verklega prófið á ný.

Við upphaf náms fær nemandi ökunámsbók hjá ökukennara. Í ökunámsbók er allur námsferillinn skráður ásamt upplýsingum sem leiðbeinandi getur nýtt sér. Þessi ökunámsbók fylgir nemanda í gegnum allt ökunámsferlið.

Ökunámsbók þarf alltaf að vera til staðar í þeirri bifreið sem nemi er á í æfingaakstri.

Þegar æfingaakstur hefst fær nemandinn afhent æfingaakstursmerki hjá ökukennara, en þetta merki á alltaf að vera aftan á bifreiðinni þegar ökunemi er við stýrið.

Segja frá á Facebook